HARAGIRIMANA Dieudonne
Rutahizamu wa Kameruni, Vincent Aboubakar, yatangaje ko adashimishijwe n’uburyo Mohamed Salah watakira ikipe y’igihugu ya Misiri akinamo umupira, kandi yizera ko uyu mugabo Mo salah ukinira Liverpool atari ku rwego rumwe nu rwa rutahizamu Paris-Saint-Germain Kylian Mbappe.
Uyu mugabo Vincent Aboubakar abivuye ubwo ku mugoroba wo kuri uyu wa kane, Misiri ya Salah irahura na Kameruni ya Aboubakar muri kimwe cya kabiri kirangiza mu gikombe cya Afurika.
Aboubakar, ubu ngubu ufite ibitego byinshi muri AFCON kuko ubu afite ibitego bitandatu, yabwiye ikinyamakuru RFI cyo mu Bufaransa ati: “Ntabwo anshimishije cyane.”
Yakomeje agira ati: “Ndabivuze neza kuko ndi umuntu w’inyangamugayo kandi mfite uburyo bwanjye bwo kubona ibintu.
Abaye yaranshimishije, nabivuga. Ariko ntabwo yanshimishije na gato. Ni umukinnyi mwiza, atsinda byinshi ariko ntabwo atanga ibintu byose afite mu mukino ari gukina.
Yakomeje agira ati: “Nibyo koko, akora ibintu byiza muri Premier League kuko amaze imyaka myinshi mu makipe yo mu bwongereza. Ni umukinnyi mwiza ariko ntabwo ari ku rwego rw’umuntu nka (Kylian) Mbappe. ”
Salah amaze gutsinda ibitego bibiri muri AFCON kugeza ubu, yatsinze igitego cya mbere mu matsinda ubwo Misiri yahuraga na Gineya Ekwatoriyari ndetse n’igutego cya Kabiri cyaje ari icya Kabiri ubwo batsindaga Maroc.
Ku mugoroba wo ku wa Kane Cameroun, yakiriye amarushanwa, irahura na Misiri kugira ngo bisobanuremo izahura na Senegal ku mukino wa nyuma, nyuma yuko ikipe ya Sadio Mane itsinze Burkina Faso ibitego 3-1.
