HARAGIRIMANA Dieudonne
Umuhanzi Junio Juda uririmba mu itsinda rya Juda Muzik yibutse umukunzi we Umuringa Liliane umaze umwaka yitabye Imana amusezeranya ko ntawe uteze kumusimbura.
Tariki 10 Mutarama 2022, tariki 10 Mutarama 2023, umwaka urashize umukobwa wari ukiri muto Umuringa Jessica yitabye Imana azize uburwayi.
Uyu yari umukunzi w’umuhanzi Junior uririmba mu itsinda rya Juda Muzik.
Kuri uyu wa Kabiri, ubwo Junior yibukaga umwaka umwe ushize abuze umukunzi we, yongeye kumuha isezerano ko nta mukobwa uteze gufata umwanya yari afite mu mutima we.
Junior mu gahinda kenshi n’ikininga yagize Ati “Mu gitabo cy’ubuzima bwanjye ni rupapuro rwandyoheye kuva itangiye kugeza isoje. Kugukunda ni ibintu ntazigera mpagarika. Wenda birashoboka ko nzabona undi unkunda nta cyo agendeyeho nanjye nkamukunda uko. Ariko nyizera azaba afite umwanya we muri njye utari uwawe. Ntawe uzagusimbura.”
Ibi bihe bigoye byashibutsemo indirimbo Juda Muzik yise “Iminsi” yumvikanisha agahinda gasobetse umutima w’uyu musore wabuze uwo yari yarahaye umutima we.
