Vestine yashyize ukuri hanze ku bavuze ko yakoze ubukwe hutihuti kubera ko yari atwite, yihaniza abamwita umwana

Umuririmbyi w’indirimbo zo kuramya no guhimbaza Vestine Ishimwe nyuma y’uko yasezeranye n’umugabo we ubarizwa mu gihugu cya Burkina Faso gusa abantu ntibabivugeho kimwe bavuga ko uyu mukobwa ari umwana wo gushaka umugabo, Vestine yavuzeko atagishaka abantu bamwita umwana kuko ubu afite umugabo.

Ibi yabivuze anerekana impeta yambitswe n’umugabo we akomeza avuga ko ubu ari umugore wa Idrissa Ouedraogo.

Mu kiganiro Vestine yagiranye na MIE Empire, yatangaje ko abavuze ko yashatse hutihuti kubera ko yari atwite, ibyo yabyamaganiye kure avuga ko adatwite atangaza ko azarinda asezerana imbere y’Imana ataratwita.