Uyu munsi i Huye umuriro uraka As Kigali yakaniye ngo igomba gukora akantu

Ikipe ya As Kigali uyu munsi nibwo irakina umukino wayo wo muri Caf Comfederation cup ni umukino ubanza mu cyiciro cya kabiri muri iri rushanwa dore ko icyiciro cya mbere As Kigali yasezereye As Telecom yo mu gihugu cya Djibouti.

Uyu munsi tariki 8 Ukwakira As Kigali irakira umukino ubanza, urabera kuri Stade mpuzamahanga ya Huye iraba yakiriye ikipe ya Al Nasry yo mu gihugu cya Libya ni umukino ubanza.

Ikipe ya As Kigali gahunda yabo ni ugutsinda ibitego byinshi mu Rwanda kuburyo bazajya muri Libya bafite impamba ihagije.

Abakinnyi n’abayobozi ba As Kigali barashishikariza abanyarwanda bose kuza ku kibuga bagatiza umurindi abakinnyi dore ko kwinjira i Huye ari Ubuntu.