M.Ben
“Uwo Rocky uvuga ibyo, iby’Imana ntabyo azi, azi ibyo mu muhanda” Rurageretse hagati ya Pastor Yongwe n’umusobanuzi w’amafilime Rocky Kimomo bapfa amaturo.
Mu minsi yashize Rocky yagiye agaragara cyane arwanya gutura mu rusengero aho atavugwa rumwe n’ibijyanye n’abapasiteri n’insengero.
Nyuma yo kuvuga ibyo, Pastor Yongwe yabihereyeho avuga ko uyu musore yagakwiye kwita ku kazi ke ibyo mu rusengero akabireka kuko ntabyo azi.
Yabwiye Inyarwanda ati “Uwo Rocky uvuga ibyo, Iby’Imana ntabyo azi, azi ibyo mu muhanda n’ibya filime.
Ubusanzwe ni umuhanga rwose, ariko ibyo mu rusengero ntabyo azi. Asengera he se? aravuga iby’amaturo, uriya aratura? Rocky, ubwami wakorera ugakena, ugasa nabi sinkabukorere.
Njye ubwami nkorera bukwambika neza bukakugaburire neza bugahindura ubuzima bwawe.”
