Uwiyitaga umuhanuzi yafashwe amaze kwishyingira abagore 20

Uwiyitaga umuhanuzi muri Arizona ho muri USA yatawe muri yombi ashinjwa gushyingiranwa n’abagore 20 barimo 9 batagejeje ku myaka 15 y’amavuko barimo n’umukobwa we nkuko FBI yabitangaje.

Bwana Samuel Rappylee Bateman w’imyaka 46,ni umuyobozi w’idini ry’abiyemeje gushyingiranwa n’abagore benshi rizwi nka Fundamentalist Church of Jesus Christ of Latter-Day Saints (FLDS).

Muri 2019, Bateman yatangiye kwiyita umuhanuzi ndetse agaragaza ko afite umugambi wo gushyingiranwa n’umukobwa we nkuko byabwiwe ikinyamakuru Salt Lake Tribune kibitangaza.

Mu birego byatangajwe na FBI,Bateman yarongoye abagore 20 biganjemo abato batarengeje imyaka 15,abakoresha ibikorwa by’urukozasoni birimo gusambanira mu kivunge no kubacuruza.