HARAGIRIMANA Dieudonne
Uwayezu Jean Fidel uyobora ikipe ya Rayon Sports yatangaje benshi nyuma yo kuvuga ko gutsinda APR FC nta gitangaza kirimo nubwo byashimishije abakunzi ba Rayon Sports ariko abafana ba APR FC bemeza ko atahaye agaciro igihe bamaze bayitsinda.
Ibi umuyobozi wa Rayon Sports yabitangaje nyuma yaho ikipe ye imaze gutsinda igitego 1-0 ikipe ya APR FC mu mukino wari wabereye mu karere ka Huye ahantu abafana ba Rayon Sports bemeza ko hari abakunzi bayo benshi.
Wari umukino Ikipe ya Rayon Sports iyo iwutsindwa wari bube ubaye umukino wa 9 itabasha kubona intsinzi imbere y’ikipe ya APR FC ariko nyuma y’ibi byishimo Umuyobozi wa Rayon Sports yaje kubabaza cyane abakunzi ba APR FC avuga byinshi.
Mu kiganiro nyuma y’umukino Uwayezu Jean Fidel yagiranye n’ikinyamakuru cyandika kitwa ISIMBI yavuze ko ari umukino bateguye mu buryo bwose kugirango babone amanota 3 akomeza kubafasha kugumya guhatanira igikombe.
Yagize Ati “Ni umukino wa shampiyona, twashakaga amanota 3, twawuteguye nk’iy’indi, turashima Imana ko tuyabonye, turi mu rugamba rw’igikombe ubu.”
Uyu muyobozi yaje guca igikuba mu bantu nyuma yo kuvuga ko gutsinda APR FC nta gitangaza kirimo kuko ngo ari ikipe nk’izindi.
Yagize Ati “APR FC ni ikipe dukunze guhangana, kuba tuyitsinze twari tumaze igihe tutayitsinda ni ibyishimo ariko nta gitangaza kirimo ni ikipe nk’izindi.”
Rayon Sports nyuma yo gutsinda ikipe ya APR FC igiye gukomeza urugamba rwo gutegura umukino ukurikiyeho izahuramo na Gasogi United nayo yabatsinze mu mukino ubanza wa Shampiyona igitego 1-0.
