M.Ben
Uhuru Kenyatta wabaye Perezida wa Kenya yatunguranye ubwo yari yatumiwe kuri radiyo, asaba indirimbo ya UB40, ubwo yizihizaga isabukuru y’imyaka 62.
Kenyatta yagaragaje ko akunda indirimbo y’iri tsinda ryubatse amateka yitwa “I Got You Babe”.
Uyu mugabo yari yatumiwe kuri Kamene FM, aho yaganiraga n’umunyamakuru w’iyi radiyo witwa Muthoni wa Kirumba uzwi nka Baby Top.
Ubwo yari ari muri iyi Radiyo, Kenyatta yavuze ko anyuzwe n’urukundo yeretswe n’abanya-Kenya mu gihe yizihiza isabukuru.
Ati “”Nishimiye urukundo neretswe ku munsi w’amavuko. Isengesho ryanjye ndasaba ko Imana yakomeza kumpa ubuzima bwiza, ndetse igihugu cyacu kigakomeza kuba amahoro.’’
Nyuma yo kuva kuri iyi radiyo, umunyamakuru yasabye Kenyatta gusaba indirimbo yumva yacurangwa mu rwego rwo kwizihizanya na we isabukuru ye, nta gushidikanya asaba indirimbo ya Reggae y’itsinda rya UB40 yitwa ‘‘I Got You Babe’’.
UB40 ni itsinda ryamamaye mu njyana ya Reggae ryo mu Bwongereza. Ni rimwe mu matsinda y’ibihe byose mu muziki.
‘I Got You Babe’ yasabwe na Kenyatta nayo ni indirimbo yakunzwe kuva mu 1965 yajya hanze ndetse yagiye yifashishwa n’abandi bantu bashaka gukora izindi ndirimbo ziryoheye amatwi.
Kenyatta wasabye iyi ndirimbo yayoboye Kenya kuva ku wa 9 Mata 2013 kugeza ku wa 13 Nzeri 2022. Yasimbuwe na William Ruto wari Visi Perezida.
[VIDEWO]
Yaaani President Uhuru Kenyatta went to ivy league schools but can still speak Gigikuyu like a village macadamia farmer. Bwana, you should hear Midusa, who only saw the gates of Kolenyo Approved School in passing, insisting that he can hear Dholuo but can't speak. Kiawa. pic.twitter.com/8EE0zEWVfG
— Gabriel Oguda (@gabrieloguda) October 26, 2023
