Epaphrodite Nsengimana
Utarakubitirwa mu rusengero agira ngo ntabwo ari inzu nkizindi! Mu karere ka Rulindo, pasiteri akurikiranweho gukubitira umukecuru mu rusengero
Habamungu Jérôme usanzwe ari umupasiteri wa Paruwasi mu itorero rya AEBER riherereye mu karere ka Rulindo mu murenge wa Kisaro, akurikiranweho gukubitira umukecuru mu rusengero ubwo bari barimo gusenga.
Byabaye ku cyumweru tariki 27 Kanama 2023, aho uyu mupasiteri bivugwa ko yakubise inkoni uyu mukecuru bari mu rusengero, amuziza ko abana be bamwoneshereje ahita aburirwa irengero.
Jérôme akimara kuburirwa irengero, ubuyobozi bwahise butangira gufasha uwo mukecuru kwivuza ndetse bivugwa ko yatangiye koroherwa mu gihe inzego z’umutekano zatangiye gushakisha uyu mupasiteri.
