Geovanis
Ikipe ya US Monastir ishobora kuzaterwa mpaga mu mukino uzayihuza na APR FC kubera uruhuri rw’ibibazo byugarije iyi kipe yo mu gihugu cya Tunisia izahura na APR FC mu mikino ya mbere ya champions league.
Muri iyi kipe haravugwamo ibibazo by’ubukene ku buryo bamwe batangiye kwerura ko ishobora kuzabura amafaranga yayizana mu Rwanda nubwo byaba bigoranye kuko yafatirwa ibihano nanone bikakaye harimo no guterwa mpaga.
cyakoze mu guhangan n’ibi bibazo byugarije iyi kipe, batangiye gusaba bamwe mu bashaka kwamamaza, kuza kwamamaza muri stade y’iyi kip iherereye mu gihugu cya Tunisia kugira barebe niba bashobora kwihanganira iki kibazo cy’ubukene.
US Monastir ibarizwa muri shampiyona ya tunisia , mu mwaka wa 2021-2022 shampiyona yaho ikinwa mu matsinda abiri. mu itsinda rya kabiri yari irimo, yabaye iya kabiri mu mikino 14 yakinnye, ifite amanota 23 ihita izamuka mu makipe atandatu aba ahatanira igikombe, maze mu mikino 10 ibonamo amanota 22 yatumye isoreza ku mwanya wa kabiri inyuma ya Esperance yabaye iya mbere n’amanota 24.
