Urupfu rw’icyamamare mu mukino wo gusiganwa ku maguru Tori Bowie rwashenguye benshi kubera ukuntu yapfuye akenyutse 

Urupfu rw’icyamamare mu mukino wo gusiganwa ku maguru Tori Bowie rwashenguye benshi kubera ukuntu yapfuye akenyutse.

Umunyamerikakazi Tori Bowie wamamaye mu kwiruka metero 100 yitabye Imana ku myaka 32 kuri uyu wa Gatatu nk’uko byatangajwe n’uhagarariye inyungu ze.

Kimberly Holland yavuze ko Tori yasanzwe mu rugo rwe muri Florida yapfuye.

Ishyirahamwe ry’Umukino wo Gusiganwa ku Maguru no Gusimbuka muri Amerika (USA Track & Field) ryavuze ko umusanzu wa Tori mu iterambere rya siporo ari ntagereranywa.

Muri Shampiyona y’Isi mu 2017 uyu munyamerikakazi yegukanye imidali ibiri ya zahabu muri metero 100 ndetse na 400.

Tori yaherukaga gukina irushanwa ryemewe muri Kamena 2022, mu gihe ku rwego mpuzamahanga aheruka gusiganwa muri Shampiyona y’Isi yabereye i Doha muri Qatar mu 2019, aho yasoreje ku mwanya wa kane mu gusiganwa intera nini.