Urubanza rw’umubyinnyi Titi Brown rwongeye kwegezwa inyuma

Ishimwe Thierry wamenyekanye nk’umubyinnyi w’umwuga hano mu Rwanda nka Titi Brown urubanza rwe rwongeye gusubikwa rushyirwa ku wa 22 Gashyantare 2023 ku cyaha akurikiranyweho cyo gusambanya umwana.

Uru rubanza rw’uyu musore, aburana ubujurire ku gufungwa iminsi 30 y’agateganyo rwari ruteganyijwe kuri uyu wa 8 Gashyantare 2023.

Titi Brown yongeye gusubikirwa urubanza nyuma y’uko rwari rwasubitswe ku wa 30 Ugushyingo 2022 rushyirwa ku wa 8 Gashyantare 2023.

Uyu musore yabyinnye mu ndirimbo nka Amata ya Phil Peter na Social Mula, Faster ya Chriss Eazy, Ikinyafu ya Bruce Melodie ndetse n’izindi nyinshi cyane zakunzwe.