HARAGIRIMANA Dieudonne
Mu ijoro ryo kuri uyu wa kane saa sita z’ijoro zicyuzura Neza ,ubwo ni ukuvuga ko twari twinjiye ku itariki 5 Mutarama 2023 , itariki ihura Neza n’umunsi Miss Rwanda 2020 Ishimwe Naomi yaboneyeho izuba .
Michael Tesfay umukunzi wa Miss Naomi wari ugogereye neza isaha ya saa sita ,zikikubitamo ,yahise yifashisha urubuga rwe rwa instagram agaragariza abamukurikira urwo akunda Naomi amwibutsa ko ari umugore udasanzwe.
Michael yagize ati:” Isabukuru nziza ku mugore udasanzwe mu buzuma wanjye , mukuri ukwiye ibyiza kandi ndacyifuza kugirana nawe ibihe bidasanzwe . ndagukunda” ni amagambo yashimishije Miss Naomi umaze igihe mu Rukundo na Michael .
Naomi yahise ajya ahatangirwa ibitekerezo maze agira ati:” urakoze mukunzi , ndagukunda bihebuje ,
Mu gitondo cyo kuri uyu wa gatatu nibwo Miss Naomi yahishuye ko yerekeje mu rugendo rwo kwizihiza isabukuru ye , aho we na Michael bari kubarizwa muri Leta Zunze Ubumwe z’Abarabu I Dubai .
Urukundo rwa Michael na Naomi rwatangiye kuvugwa mu ntangiriro z’umwaka wa 2022 ,ubwo bagaragaraga barikumwe mu muhango wo gutanga ikamba rya Miss Rwanda 2022.
