HARAGIRIMANA Dieudonne
Abantu bibaza icyabafasha guhora bacyeye batemba itoto,uko imyaka ishira uruhu rw’umuntu rugenda rusaza,gusa hari ibyo wagerageza gukora ,uruhu rugakomeza kumera neza ukagaragara nkaho ukiri muto nk’uko turabibona muri iyi nkuru.
1.Gukoresha ibirinda gusaza n’ibisohora uburozi mu mubiri
Aha mbere, haboneka ibi byose ni mu ifunguro rikize kuri vitamin E, vitamin C na Beta carotene. Vitamin E igabanya ibyago byo kwibasirwa n’indwara z’umutima, ikongerera umubiri ubudahangarwa kimwe na vitamin C na beta carotene. Ibi byose bigomba kuba mu byo ufata umunsi ku munsi kugira ngo urusheho guhorana itoto no kwirinda indwara. Ibiryo bikungahaye ku birinda gusaza harimo epinari, amacunga, indimu, karoti, broccoli, ibirayi, imineke, almonds kimwe n’ubunyobwa.
2.Kwita cyane ku buzima bwawe
Iyo ukunze ubuzima nabwo buragukunda. Ubuzima buzira umuze ni bwo bugena uburyo ubuzima bwawe buryoshye cyangwa bugenda neza, umuntu muri rusange agizwe n’ibintu bitandukanye. Hari ibintu by’ingenzi bituma umuntu avuga ko ameze neza; ubuzima mu miterere (physical) ni ukuvuga mu mubiri nta ndwara afite, yishyimye (moral), atekereza neza (mental), uko ubana n’abandi (social) ndetse n’uburyo abanirana n’uko witwara (spiritual). Iyo ibi byose bimeze neza nawe urushaho kumurerwa neza.
3.Gutekereza neza no kugira imyumvire iboneye
Uko ugenda ukura mu myaka, ni byo ko umubiri ugenda utakaza ubushobozi bwo gukora, ariko imyumvire yawe n’uko witwara bigira uruhare runini mu kongera uburyo ugaragara. Bajya bavuga ko umuntu agaragara uko yiyumva. Gukoresha ubwonko n’ibitekerezo byawe mu buryo bunogeye kandi bwubaka bizagufasha kubaho igihe kirekire no guhorana itoto. Uko wibona n’uko ubona ubuzima muri rusange bizongera cg bigabanye kwigunga, stress, intonganya kimwe no kugira umujinya muri rusange byica abantu benshi kurusha imyaka cg indi ndwara, ushoboye kubyirinda, byagufasha kubaho ubuzima buzira umuze.
4.Imyitozo ngorora mubiri
Ubuzima bwo kwicara no kudakoresha ingingo zawe, biri mu bisazisha umubiri. Niba wifuza guhorana itoto no kurushaho kugaragara neza, siporo yagakwiye kuba ingenzi mu buzima bwawe. Ni ingenzi cyane ku buzima kuko ifasha gukomeza kugira itoto, no kurwanya indwara nyinshi ziterwa n’imikorere mibi y’umubiri. Siporo zikomeza imikaya zikarinda uturemangingo kwangirika.
