“Urabizi ko Yvan yagukundaga” Uncle Austin yihanganishije umukunzi wa Yvan Buravan amusaba gukomera

Uncle Austin wari uri bya hafi umuhanzi Yvan Buravan witabye Imana, yatanze ubutumwa bw’ihumure ku mukunzi wa Yvan Buravan wasigaye nyuma y’uko uyu musore yitahiye.

Abinyujije ku mbuga nkoranyambaga ze, Uncle Austin yanditse ubutumwa bw’ihumure ku mukunzi wa Yvan Buravan wasigaye nyuma y’uko umukunzi we yari yarihebeye yitabye Imana azize uburwayi.

Austin yibukije Chiffat umukunzi wa Yvan Buravan ko Yvan Buravan yamukundaga kandi ko yari abizi ndetse amusaba no gukomera muri ibi bihe bitoroshye.

Yvan Buravan yitabye Imana mu rukerera rwo ku itariki ya 17 Kanama 2022 azize kanseri y’urwagashya, akaba yarashyinguwe ku munsi w’ejo hashize tariki ya 24 Kanama 2022.