Update: Kumenya abakinnyi batsinze ibitego bya APR FC bikomeje kugorana kubera ubwinshi bwabyo

Shampiyona y’icyiciro cya mbere hano mu Rwanda yari yakomeje ku munsi wa 22 aho ikipe ya APR FC yari yakiriye ikipe ya Rutsiro FC ku kibuga cya Bugesera.

Umukino watangijwe na Rutsiro FC nk’ikipe yasuye, umupira ukaba wakozweho bwa mbere na Bugingo Samson ari nawe rutahizamu w’iyi kipe uyu munsi.

APR FC yafunguye amazamu ku munota wa 9, ku gitego cyatsinzwe na Ruboneka Jean Bosco ku ishoti rikomeye cyane yatereye mu rubuga rw’amahina.

Ku munota wa 13″ APR FC yanze kuva imbere y’izamu, Bizimana Yannick nawe ahita abona igitego cya kabiri.

Ku munota wa 40″ APR FC yabonye igitego cya 3 gitsinzwe na Bizimana Yannick.

45″ Igice cya mbere kirarangiye amakipe yagiye kuruhuka APR FC iyoboye umukino n’ibitego byayo bitatu.

Ku munota wa 46″ APR FC yinjiranye igitego cya kane gitsinzwe na Bizimana Yannick.

Ku munota wa 47″ nta n’umunota bisabye ngo APR FC itsinde igitego cya 5, gitsinzwe na Niyibizi Ramadhan mu buryo bwenda gusa n’igitego cya 4.

Ku munota wa 52″ Rutsiro yabonye igitego cya mbere gitsinzwe kuri penariti.

Nti byatinze ku munota 54″ APR FC yabonye igitego cya 6 gitsinzwe kuri penariti itewe na Nshuti Innocent.