HARAGIRIMANA Dieudonne
Ku munsi w’ejo nibwo hagiye gahunda y’umugoroba wo kwibuka Yvan Buravan uraza kuba kuri uyu wa Kabiri tariki ya 23 Kanama 2022 ukabera muri Camp Kigali.
Nyuma yuko iyi gahunda igiye hanze, bamwe mu bafana ba Yvan Buravan bari ku mbuga nkoranyambaga zitandukanye nka Whatsapp, Twitter, Instagram ndetse n’ahandi bakomeje kugenda bumva amakuru avuga ko kwinjira muri Camp Kigali aho umugoroba wo kwibuka Yvan Buravan uzabera ari ukwishyura amafaranga.
Uncle Austin, umwe mu bateguye uyu mugoroba wo kwibuka Yvan Buravan, yakuyeho urujijo abafana ba Yvan Buravan benshi bari bafite. Abinyujije kuri twitter ye, Uncle Austin yanditse amagambo agira ati « Habayemo miscommunication, kwinjira ntibisaba invitation…hari imyanya ya VIP(Family, government officials celebrities (Artists…nabandi ) niyo isaba invitation indi myanya myinshi isigaye niyabantu bakunda YB bifuza kuhagera mwijoro ry’ukumwibuka ». Uncle Austin kandi yasubije umufana wa Yvan Buravan wamubajije niba kwinjira ari ubuntu cyangwa amafaranga aho yamubwiye ati « N’ubuntu pee ».
