Umwicanyi Kazungu Denis wicaga abagore n’abakobwa agiye kuburanishwa

Urwego rw’Igihugu rw’Ubugenzacyaha (RIB) rwemeje ko Dosiye ya Kazungu Dennis, ukurikiranyweho icyaha cyo kwica abantu akabashyingura mu cyobo, yamaze gushyikirizwa ubushinjacyaha kugira ngo atangire kuburanishwa.

Kazungu w’imyaka 34 yafashwe mu cyumweru gishize nyuma y’aho RIB itahuriye ibimenyetso simusiga ku byaha ashinjwa ko yakoreye mu Kagari ka Busanza mu Murenge wa Kanombe, Akarere ka Kicukiro.

Bivugwa ko abo yicaga bari biganjemo abakobwa yakuraga mu tubare dutandukanye mu Mujyi wa Kigali, akabatahana yabageza mu rugo akabica.