“Umwana ntasya aravoma” Perezida wa Rayon Sports yihenuye kuri KNC wari waramubanje

Perezida wa Rayon Sports Uwayezu Jean yahaye ubutumwa bwo kwihenura kuri Kakooza Nkuliza Charles akaba ari Perezida wa Gasogi United.

Uyu munsi kuwa gatandatu nibwo habaye umukino wari warabanjirijwe n’amagambo atandukanye ku mpande zombi bamwe bahiga ubutwari n’abandi.

Gasogi United na Kiyovu Sports zaje gukizwa n’ikibuga cya sitade ya Bugesera ubwo ku isaha ya saa Kenda n’igice izi kipe zacakiranaga. Rayon Sports yatsinze Gasogi United ibitego bibiri kuri kimwe byose byatsinzwe na Essomba Willy Onana.

Nyuma y’uwo mukino perezida wa Rayon Sports, Uwayezu Jean Fidéle nawe yunze mu rya KNC wari warifatiye ku gahanga Rayon Sports. Uwayezu nyuma y’umukino yagize ati ” Twebwe tuvugira mu kibuga , mu kinyarwanda baravuga ngo umwana ntasya aravoma. Gasogi imaze imyaka itatu ntizigereranya n’ubukombe bumaze imyaka 60.”