Umuyobozi w’ikipe yahanishijwe igihano gikakaye kubera kunyara mu kibuga

Umwe muba bayobozi b’ikipe ya Shooting Sports Slub yahanishijwe kumara igihe kingana n’umwaka atagaragara mu bikorwa by’umupira w’amaguru azira kunyara mu kibuga.

Komite y’agateganyo ishinzwe imicungire ya shampiyona mu gihugu cya Nigeria IMC (Interim management committee), niyo yafashe icyemezo cyo guhagarika Auwal Muhammed mu bikorwa byose by’umupira w’amaguru mu gihe kingana n’umwaka wose kubera kunyara mu kibuga nk’uko bigaragara mu itangazo ryashyizwe ahagaragara, kuri uyu wa Kabiri tariki 21 Gashyantare 2023.

Auwal Muhammed ni umwe bayobobozi mu ikipe Stooting stars, yanyaye mu kibuga bakiniragamo n’ikipe yitwa Akwa United F.C ku munsi wa 9 wa shampiyona, mu mukino wabaye ku cyumweru tariki ya 19 Gashyantare 2023. Uyu mukino warangiye amakipe anganya ibitego 2 kuri 2.

Komite y’agateganyo, ishinzwe imicungire ya shampiyona y’icyiciro cya mbere muri Nigeria imaze kubona amafoto ya Auwal Muhammed arimo kunyara mu kibuga bahise bamuhana ahagarikwa umwaka wose mu bikorwa biterwaga n’ishyirahamwe ry’umupira w’amaguru muri Nigeria.