Umuyobozi wa APR FC yashimiye bikomeye abatoza ndetse n’ubuyobozi bwa Rayon Sports bitegura guhura vuba

Umuyobozi wa APR FC Afande Mubarakh Muganga yashimiye bikomeye abayobozi ba Rayon Sports ndetse n’abatoza bayo mbere yo guhura muri iyi wikendi.

Nyuma y’umukino APR FC yakiriwemo na Rutsiro FC, umuyobozi wa APR FC yaganirijwe abakinnyi b’iyi kipe arabashimira uko bitwaye ndetse nuko yiyumva.

Yagize ati “Mu izina ry’ Ubuyobozi mbereye kw’isonga ndashimira byimazeyo Abakunzi n’ Abafana ba APR FC badahwema gushyigikira ikipe yabo. Iyo tubabonye mwuzuye imihanda muyiherekeje bitera Ingabo ishema.”

Yanashimiye Umutoza Ben Moussa n’abagenzi be ndetse byumwihariko n’ Abakinnyi ko bumviye impanuro ndetse bakitwara neza batsinda umukino wa nimugoroba. Ati” Mwanshimishije benshi ndetse mwerekanye ko mutarekura kandi gukotana ariyo ntego.”

Nanone mubo yashimiye ni aba Rayon barimo n’abatoza bayo bose bari ku kibuga bareba uko APR FC ikina ngo batware inkuru mpamo yuko Abakinnyi ba APR bahagaze nubuhanga bwabo.

Uyu muyobozi yakomeje ashimira aba Huriga/ba Rayon b’inshuti ze by’umwihariko nabo barebye uyu mukino.

Indi nkuru nziza ku bakunzi ba APR FC, ni uko Chairman wayo yagaragaje ko ubu afite akanya gahagije yagarutse ku kibuga bazamubona kenshi dore ko n’abakinnyi bamwumviye bagatsinda ibitego bibiri.