Umutoza Zinedine Zidane yaraye akoze agahigo kadasanzwe mu mupira w’amaguru

Umutoza w’ikipe ya Real Madrid, umufaransa Zinedine Zidane nyuma yo kuza muri Real Madrid akamara mo igihe gito yahise atangira kwigaragariza isi bitewe n’uduhigo yakoze kuva yagera muri iyi kipe kugeza aya magingo, aho twavuga nko kwegukana Champions League nyuma y’amezi make afashe ikipe, igikombe kiruta ibindi ku mugabane w’uburayi Super Cup ndetse n’igikombe cy’isi cy’ama club yegukanye mu mezi atarenze 7 gusa afashe ikipe ya Real Madrid, gusa kuri ubu uyu mugabo akaba yongeye gukora akandi gahigo katari gasanzwe mu mupira w’amaguru.

Ku munsi w’ejo nyuma yo gutsinda ikipe ya Espagnol Barcelona ibitego 2-0 uyu mufaransa yahise ashyiraho agahigo k’umutoza wamaze imikino 42 muri championa ya Espagne atsinda igitego kimwe byibura kuri buri mukino, akaba aribwo bwambere ikipe ya Real Madrid yandikishije aya mateka, gusa aramutse abikoze izindi nshuro 3 zikurikiranye yahita avanaho agahigo gafitwe n’ikipe ya Fc Barcelona yo yamaze imikino 44 itsinda byibura igitego 1 muri buri mukino.