Umutoza José Mourinho yamaze gutangazwa nk’umutoza mushya mu ikipe ikomeye i Burayi

Umutoza wubatse izina mu makipe atandukanye i Burayi, José Mourinho yamaze kumvikana n’ikipe ya Fenerbahçe yo muri Turkia agiye kubera umutoza mu gihe cy’imyaka ibiri aho amasezerano yabo azageza muri Kamena 2026.

Mourinho ukomoka muri Portugal, asimbuye Kartal nyuma y’uko Fenerbahçe irangije ku mwanya wa kabiri muri Turkish Super Lig mu mwaka wa gatatu wikurikiranya.

José Mourinho agiye kugaruka mu kazi nyuma yo kwirukanwa na AS Roma muri Mutarama nyuma y’imyaka ibiri n’igice yari ayitoje.