Umutoza Haringingo Francis wifuza kuzanyagira Rutsiro FC imvura y’ibitego yakoze impinduka mu bakinnyi 11 ba Rayon Sports bazabanzamo

Abakinnyi b’ikipe ya Rayon Sports, ubuyobozi, abafana ndetse n’abatoza bose bari kubarira amasaha ku ntoki kugira ngo bacakirane na Rutsiro FC aho bafite intego n’icyizere cyinshi cyo kuzaha isomo rya ruhago iyi kipe yo mu Ntara y’i Burengerazuba.

Ku wa Gatandatu tariki 25 Gashyantare 2023, ikipe ya Rutsiro FC izakira Rayon Sports mu mukino w’umunsi wa 21 wa shampiyona y’Icyiciro cya Mbere, uyu mukino ukazabera kuri Stade Mpuzamahanga y’i Rubavu.

Urutonde rw’abakinnyi 11 Haringingo Francis Christian azabanza mu kibuga

Umuzamu : Hakizimana Adolphe

Ba myugariro : Mucyo Didier’Junior’, Ganijuru Elie, Mitima Isaac na Rwatubyaye Abdul ©.

Abo hagati : Ngendahimana Eric, Mbirizi Eric na Heritier Luvumbu Nzinga.

Ba rutahizamu : Joachiam Ojera, Musa Esenu na Essomba Leandre Willy Onana.

Ikipe ya Rayon Sports irahaguruka i Kigali kuri uyu wa Kane tariki 23 Gashyantare 2023, iyi kipe ikaba iri ku mwanya wa kabiri n’amanota 39 mu gihe Rutsiro FC itozwa na Okoko Godfroid iri ku mwanya wa 14 n’amanota 18.