Umutoza Haringingo Francis akomeje kurebana ay’ingwe n’umukinnyi wa Rayon Sports

Umutoza Haringingo Francis Christian ntabwo ari gucana uwaka na rutahizamu Mpuzamahanga ukomoka mu gihugu cya Mali, Moussa Camara.

Harabura iminsi micye ngo igice cy’imikino yo kwishyura cya shampiyona y’Icyiciro cya Mbere umwaka w’imikino wa 2022-2023 igasubukurwa, iyi kipe ikaba izatangirira kuri Musanze FC.

Muri iyi kipe yambara ubururu n’umweru ntabwo bihagaze neza hagati ya Haringingo Francis Christian na Moussa Camara, uyu rutahizamu akaba ashinja umutoza kutamuha umwanya wo gukina.

Moussa Camara kuva yagaruka mu ikipe ya Rayon Sports ntabwo yari yatanga umusaruro yari yitezweho, akaba ari nayo mpamvu nyamukuru iyi kipe iri gushaka undi rutahizamu w’igihangange uzaza kuyitsindira ibitego byinshi.