Umutoza Ben Moussa yatumye abandi bakinnyi babiri ba APR FC barokoka gutizwa muri Marines FC

Umutoza mukuru w’ikipe ya APR FC, Ben Moussa yasabye ubuyobozi kutarekura Nizeyimana Djuma na Tuyizere Jean Luc ngo berekeze mu ikipe ya Marines FC itozwa na Rwasamanzi Yves.

Mu ntangiriro z’iki cyumweru nibwo APR FC yatije abakinnyi bane muri Marines FC ari bo Mbonyumwami Thaiba, Nkundimana Fabio,  Hirwa Jean de Dieu na Nsanzimfura Keddy.

Byarashobokaga ko na Nizeyimana Djuma na Tuyizere Jean Luc batizwa muri Marines FC, ariko umutoza Ben Moussa yabwiye ubuyobozi ko azabakenera mu gice cy’imikino yo kwishyura.

Ikipe y’Ingabo z’Igihugu imaze iminsi ibiri itangiye imyitozo, ikaba yarasoje igice cy’imikino yo iri ku mwanya wa 3 n’amanota 28 aho irushwa amanota abiri na AS Kigali na Kiyovu Sports ziri ku mwanya wa mbere.