Umutoza Adel Ahmed akimara guhabwa akazi muri Musanze FC yahise ashyiraho amategeko n’ibihano bikakaye muri iyi kipe

Nyuma y’iminsi mike gusa umutoza mushya wa Musanze Fc, Adel Ahmed Mohammed yahise  ashyiraho ibihano ku makosa 14 azakorwa n’abakinnyi b’iyi kipe.

MU rwandiko ruriho amakosa yose uko ari 14 na buri gihano ku ikosa, igihano gito ni ugucibwa amande y’ibihumbi Bitanu 500Frw naho igihano kiremereye kikaba gucibwa amande y’ibihumbi Mirongo itanu 50.000Frw.

Amakosa yoroheje azahanishwa gucibwa 5000Frw ni; Ugukererwa imyitozo, Kwambara nabi, Kuva mu bandi udahawe uburenganzira, Guhabwa ikarita y’umuhondo kubwo gutonganya Umusifuzi no kuvugira nabi ku ntebe y’abasimbura.

Amakosa azahanishwa gucibwa 10000Frw ni; Ugusiba imyitozo cyangwa inama, Kurwana, Kubwira nabi abatoza, Guhabwa ikarita itukura kubera kubwira nabi abasifuzi ndetse no Kuvugisha menshi abayobozi.

Amakosa yo kuva mu mwiherero w’ikipe nta ruhushya no gusiba umukino wa gicuti nta mpamvu muri Musanze FC agiye kujya ahanishwa gucibwa amande ya 20,000Frw mu gihe umuntu wese uzasiba umukino w’amarushanwa cyangwa akaza mu kazi yasinze we azacibwa amande ya 50,000FRW.