Epaphrodite Nsengimana
Shampiyona y’umupira w’amaguru mu Rwanda ubwo igeze ku musozo, muri Rayon Sports, amasezerano iyi kipe yari ifitanye na rutahizamu wayo Leandre Willy Essombe Onana azaba arangiye.
Mu gihe hari amakuru avuga ko uyu rutahizamu ari kwifuzwa n’amakipe akomeye hano muri Africa, Rayon Sports yatangiye gutekereza ku musimbura we maze itangira kwegera rutahizamu wayihozemo Yussef.
Rayon Sports yatangiye kuganira na Yussef Rhab wahoze muri iyi kipe ukomoka muri Maroc.
Uyu Yussef yavuye muri Rayon Sports mu ntangiriro z’umwaka wa 2022, atameranye neza n’ubuyobozi yashinjaga kumufata bitari ibya kinyamwuga.
Byari byitezwe ko uyo Yussef, agaruka muri Rayon Sports muri uyu mwaka w’imikino dusoza, gusa byaje kwanga kubera ko yasabaga ko izajya imuhemba miliyoni 2.6 Frw, bituma ihitamo kujya gutira Joackiam Ojera.
