Umusifuzi yakubiswe n’abafana bamugira intere birangira ajyanwe kwa muganga avirirana amaraso

Umusifuzi wo ku ruhande wasifuye umukino wa UPDF FC na Express FC muri Uganda yakubiswe n’abafana agirwa intere.

Byabaye kuri uyu wa Gatanu tariki 27 Ukwakira mu mukino w’umunsi wa 5 wa Shampiyona y’icyiciro cya mbere, wari wahuje ikipe ya UPDF FC na Express FC, birangira amakipe yombi anganyije igitego 1-1

Nyuma y’uwo mukino, abafana ba Express FC ntibumvaga ukuntu batakaje amanota 3 maze bataka umusifuzi wo ku ruhande, Fahad Sekayiba, baramukubita bamushinja kuba yabogamye mu mukino rwagati, ibyemezo bye bigashyigikira ikipe y’Igisirikare cya Uganda.

Uyu musifuzi yakubiswe bikomeye maze ava amaraso mu mazuru, maso no mu matwi ajyanwa kwa muganga avirirana.

Abafana bamennye ubirahure by’imodoka y’abasifuzi gusa ariko Polisi yatabariye hafi maze ibara muri yimbi.