Umushabitsikazi Alliah Cool yageze ku rundi rwego mu gukina filime, kuri ubu ari gutegurira filime muri Nigeria -AMAFOTO

Umushabitsi mu gukina filime uzwi kw’izina rya Alliah Cool akaba maze gutangaza filime igiye kujya hanze yakoranye nabo muri Nigeria.

Ni filime ya One Percent Entertainment yo muri Nigeria isanzwe ireberera inyungu Alliah Cool, ariko akaba ari umwe mu bakinnyi b’imena bayo ndetse igitekerezo cyayo kikaba cyaraturutse kuri we.

Iyi filime yiswe ‘Accidental Vacation’. Alliah Cool  avuga ko ateganya kuyishyira hanze mu kwezi gutaha gusa ntabwo atangaza itariki neza.

Avuga ko kugeza ubu we n’abamurebera inyungu bamaze kwemeranya na Amazon Prime kuba izanyuzwa kuri uru rubuga ndetse nyuma ikazashyirwa kuri Netflix.

Ati ‘‘Filime yamaze kurangira. Izanyura kuri Amazon, turacyashaka uko yajye no kuri Netflix. Ubu filime izanyura kuri Amazon Prime nyuma tuyihe Netflix kuko twarebye uwatiwishyuye menshi.’’

‘‘Gusa, mbere yo kuyishyira kuri izi mbuga ariko izamanza yerekanwe muri sale zerekanirwamo filime muri Nigeria no mu Rwanda.’’

‘‘Accidental Vacation’’ ni filime igaruka ku bantu benshi bahuriye mu biruhuko ku buryo butunguranye. Amashusho yayo yafashwe umwaka ushize.