Umunyerondo bamusanze munsi y’iteme yapfuye

Mu karere ka Rusizi mu murenge wa Muganza mu kagari ka Gakoni mu mudugudu wa Muhuta, haravugwa inkuru y’umunyerondo wasanzwe munsi y’iteme yapfuye.

Uyu nyakwigendera witwa Bayavuge Dominique, ari mu kigero k’imyaka 43, yari asanzwe akora irondo ry’umwuga.

Kuri iki cyumweru yari yagiye mu bukwe avayo bigaragara ko yahaze inzoga, ushinzwe umutekano amugira inama yo kujya kuryama ntajye ku irondo maze ageze mu rugo abirengaho yambara uniform nkugiye ku irondo ariko ku irondo ntibamubona mu gitondo bamusanze yapfuye.

RIB yatangiye gukora iperereza kugira ngo harebwe neza icyaba cyateye urupfu rw’uyu munyerondo.