Umunyarwandakazi ari mu gihirahiro kubera umusore wamuteye inda ushaka kumutanya n’umugabo we utabyara

Umugore w’umunyarwandakazi yatangaje ko ari mu gihirahiro nyuma yo gukundana n”umusore akamutera inda ariko akaza gushaka undi mugabo utabyara none uyu musore akaba ashaka ko yatandukana nuyu mugabo akamugira umugore.

Yagize ati:“Ndi umu mama w’imyaka 33, muri 2015 nakundanye n’umusore wo muri kigali aza kuntera inda, amaze kuntera inda aranyanga, nsubira mu cyaro, nza kongera gukundwa n’undi musore turanasezerana mu murenge. Ariko uwo mugabo twasezeranye ntitwabashije kubyarana, biteza ibibazo mu muryango we baza no kuntera icyuma ndahunga nza i kigali ubu hashize amezi 5. Wa musore wanteye inda twarongeye turahura amenye amakuru yose ansaba imbabazi ko twasubirana tukarera umwana wacu akazanfasha gusaba divorce, none na wa mugabo twasezeranye ari kunsaba ko nagaruka imiryango ikatwunga. Nabuze amahitamo y’uwo nakwemerera”