Umunyarwanda asinyiye ikipe ikomeye bimuha amahirwe yo gukinana na Haaland

Warren Håkon Christofer Kamanzi ni umusore w’imyaka 22 umaze kwemezwa n’ikipe ya Toulouse yo mu bufaransa nk’umukinnyi wayo mushya nyuma yo kuyisinyira amasezerano y’imyaka 3.

Uyu musore ukina mu bugarira izamu(defenders), gusinyira ikipe ikomeye nka Toulouse bishobora kumuha amahirwe yo kuzakinana mw’ikipe y’igihugu n’abasore bakomeje kubica bigacika muri ruhago nka Erling Haaland na Martin Ødegaard.

Impamvu y’ibi ni uko nubwo akomoka ku babyeyi b’abanyarwanda, yahisemo gukinira ikiye y’igihugu ya Norvege aba basore basanzwe bakinira, bityo kujya mw’ikipe ikomeye bikaba bishobora kuzamura amahirwe ye yo gukinana nabo mw’ikipe y’igihugu.

Kamanzi yerekeje muri Toulouse avuye muri Tromso IL yo muri Norvege, akaba yasinye amasezerano y’imyaka 3 nk’uko twabivuze haruguru.