Umunyabigwi mu mupira w’amaguru muri Africa ,Trésor Mputu Mabi yamanitse inkweto!

Umunyabigwi mu mupira w’amaguru wa Africa , Trésor Mputu Mabi yahagaritse gukina umupira w’amaguru.

Trésor Mputu Mabi ku myaka 37 y’amavuko yahagaritse gukina umupira w’amaguru nk’uwabigize umwuga.

Mputu watatwaga nk’umwe mu bakinnyi beza umugabane w’Afurika wagize mu mupira w’amaguru. Muri TP Mazembe Trésor yatwaye CAF Champions League ebyiri(2009, 2010) na CAF Confederation Cup (2017) na CAF Super Cup ebyiri.
Ku mugabane wa Afurika afatwa nka rutahizamu w’ibihe Byose kuko ayoboye abamaze gutsinda ibitego byinshi mu marushanwa nyafurika ahuza ama-Clubs n’ibitego 41.Yabaye umukinnyi mwiza ukina ku mugabane w’Afrika muri 2009.

Trésor Mputu Mabi ahagaritse umupira w’amaguru amaze gukinira ikipe y’igihugu ya Repubulika iharanira Demokarasi ya Congo (DRC) imikino 54 ayitsindira ibitego 14,yayikiniye mu bikombe bine by’Afrika, yanayifashije gutwara CHAN ya 2009.