Umunyabigwi wa Manchester United yahawe akazi ko gutoza ikipe ikomeye mu Bwongereza

Michael Carrick wahoze akina mu kibuga hagati mu ikipe ya Manchester United yahawe akazi ko gutoza ikipe ya Middlesbrough nyuma yaho yirukaniye umutoza wayitozaga.

Ikipe ya Middlesbrough yari yirukanye umutoza wayo mu ntangiriro z’ukukwezi kwa cumi nyuma yaho Chris Wilder wayitozaga atsinzwe imikino itanu muri cumi n’umwe yatangiraga Championa y’ikiciro cya kabiri mu Bwongereza.
Umuyobozi wa Middlesbrough bwana Steve Gibson yatangajeko Carrick ariwe mutoza mwiza babonye wazahura iy’ikipe iri mu myanya mibi.

Uyu mugabo w’imyaka 41 niyo kipe ya mbere atoje nk’umutoza mukuru kuva yareka gukina umupira muri 2018.
Carrick yahoze mu batoza ba Manchester United kuva Jose Mourinho agitoza Manchester United ndetse yari no mu batoza bari bungirije Ole Gunnar Solskjaer.