Umunya-Uganda arifuza gusuzuma missile ye yakoze

Ni mu gihe isi ihangayikishijwe n’intambara ya Ukraine na Russia, umusore ukomoka mu gihugu cya Uganda na we arifuza gusuzuma intwaro ye yakoze.

Nkuko ikinyamakuru Zambian telegram kibitangaza, umusore w’imyaka 32 witwa Antoli Kiiza yasabye uburenganzira guverinoma y’igihugu cya Uganda kumwemerera gusuzuma missile yakoze.

Uyu musore atangaza ko afite n’ubushobozi bwo gukora imbunda irasa Rocket launcher ndetse n’izindi zitandukanye.

Uyu akaba ari umushinga uyu musore amaranye igihe kirekire dore ko mu mwaka wa 2016 na bwo yasabye ko yagerageza intwaro ze ariko ntibikunde kuko yafunzwe incuro zirindwi.