HARAGIRIMANA Dieudonne
Nyuma yaho mu mpera z’umwaka ushize basezeranye imbere y’amategeko, umukunzi w’umuhanzi Yves Kana wo mu itsinda rya Trezzor yakoreww ibirori byo gusezera ku bukumi bizwi nka Bridal Shower.
Mugabekazi Diane yakorewe ‘Bridal Shower’ mu mpera z’iki Cyumweru n’inshuti ze, abavandimwe be n’abandi biteguye kumushyigikira mu rugendo rushya rw’ubuzima agiye gutangira.
Uyu mukobwa azakora ubukwe n’umuhanzi Yves Kana Trezzor tariki 01 Gicurasi 2021. Kuri invitation itumira, bavuga ko bishimiye kuzasangira na buri wese umunezero w’ubukwe bwabo.
Tariki 19 Ukuboza 2020, Yves Kana nibwo yasezeranye imbere y’amategeko n’umukunzi Diane.Yves Kana Trezzor agiye kurushinga na Diane nyuma y’uko mu myaka ibiri ishize amukoreye indirimbo yise ‘Njyewe Nawe’ yo kumushimira urukundo amukunda.
