Umukinnyi wa Rayon Sports yahanwe bikomeye nyuma yo gutukana

Umukinnyi w’ikipe ya Rayon Sports yahanwe nyuma yo gutukana ubwo u Rwanda rwakinaga na Benin mu mukino wo kwishyura.

Mu mukino ikipe y’igihugu y’u Rwanda Amavubi itozwa na Carlos Alos Ferrer, Iraguha Hadjii usanzwe akinira ikipe ya Rayon Sports yahawe ikarita y’umuhondo nyuma yo gutuka umusifuzi wasifuraga uyu mukino.

Uyu mukinnyi yahawe iyi Karita nyuma yaho Mugisha Gilbert yacenze bikomeye abakinnyi b’ikipe ya Benin ariko aza gukorerwaho ikosa ku buryo Hadji agahaguruka aho abasimbura bicara yerekeza atongana cyane ndetse anatukana bituma ahita ahabwa iyi karita.

Wari umukino wa Kane mu itsinda Izi kipe ziri kumwe n’ikipe ya Senegal ndetse n’ikipe ya Mozambique. Itsinda riyobowe na Senegal n’amanota 12 Mozambique ifite amanota 4 u Rwanda rufite amanota 3 ndetse na Benin ifite amanota 2.