Geovanis
Umukobwa w’imyaka 16 ukomoka muri Ghana yabaye ikimenyabose kuri interineti nyuma y’amashusho yagiye ahagaragara ahabwa impano y’imodoka ihenze yo mu bwoko bwa Mercedes Benz ku munsi we w’amavuko.
Uyu mukobwa ukiri muto uzwi ku izina rya Suad, yahawe impano y’imodoka nshya ya Mercedes Benz n’umuryango we ukize.
Iyi mpano yatumye abantu benshi bakoresha imbuga nkoranyambaga bibaza niba koko ababyeyi b’uyu mwana batihuse kumuha iyi mpano ku myaka ye.
Muri iyi videwo yazengurutse henshi, Suad yari yambaye ikanzu yirabura mu gihe inshuti ze zari zimugaragiye ahabwa iyi mpano ya Mercedes Benz igura ibihumbi byinshi by’amadorari.
Iyi modoka ni Mercedes-Benz CLA250 ya 2020 ifite igiciro cya $ 39,000,n’ukuvuga arenga 400.000 mu mafaranga akoreshwa muri Ghana.
Uyu mukobwa ukiri muto yatunguwe ubwo bamushyikirizaga iyi mpano idasanzwe abaza niba koko ari iye.
