HARAGIRIMANA Dieudonne
Mu mico imwe n’imwe igiye itandukanye, hari imico itemera abaryamana bahuje ibitsina ndetse bakumva ari n’igisebo gikomeye kuba umuntu yavugwaho ibyo bintu.
Mu gihigu cya Ghana rero hari umukobwa wari urambiwe no kubika ibanga rikomeye bituma ajya ku mbuga nkoranyambaga kwimariraho agahinda.
Uyu mukobwa abicishije ku rubuga rwa Telegram yatangaje ko mukuruwe yashakanye n’umugabo uryamana nabo bahuje igitsina (Homosexual) kandi atabizi.
Uyu mukobwa utashatse ko amazina ye atangazwa yahishuye ko umugabo wa mukuru we amaze imyaka ibiri adakora ku mugore we, mu myaka ine yose bamaze bashyingiranywe banana nk’umugore n’umugabo.
Umukobwa bitangazwa ko yakoze ibishoboka byose ngo uyu mugore areshye umugabo gusa biba iby’ubusa, kandi ngo bigaragara ko abantu bose ba hafi babizi usibye umugore.
Nyuma yuko abitangarije kuri Telegram, umugabo wa mukuruwe, yatangiye kumuhigisha uruhindu ndetse yanamushyiriyeho amafaranaga yo kumuhiga.
