HARAGIRIMANA Dieudonne
Mu gihe hari hitezweko umukino wanyuma wa Champions League wari kuzabera mu gihugu cy’uburusiya ku mujyi Saint Petersburg, uyu mukino wamaze kuhavanywa kubera intambara uburusiya bwatangiye gushoza ku gihugu cya Ukraine.
Uyu mukino ukaba wavanywe muri iki gihugu ukaba werekejwe mu gihugu cy’ubufaransa kuri stade de France.
Kuri uyu Stade hakaba hahetukaga kwacyuirwa uyu mukino mu mwaka wa 2006 igihe FC Barcelona yatsindaga Arsenal ndetse ikaba ariho yatwariye igikombe cyayo cya Kabiri.
Uyu mwanzuro ukaba waje kugerwaho nyuma y’inama y’igitaraganya yahuje ubuyobozi bwa UEFA kugirango hafatwe umwanzuro waho wakwerekezwa nyuma y’uko Saint Petersburg iwambuwe.
Inama nkuru ya UEFa ikaba yatangajeko uyu mukino wimuwe ukajya kuri stade de France I Saint-Daine ariko n’ubundi umukino ukaba uzaba ku matariki asanzwe wari kuzaberaho mu kwezi kwa Gicurasi tariki 28 hazaba ari ku isabato.
Uyu mukino ubundi wari kuzabera kuri stade ya Krestovisky Stadium iherereye mu mujyi wa Saint Petersburg, uyu mukino Kandi wari kuhabera mu mwaka wa 2021 ariko ukaza kwimurwa kubera ikibazo cya coronavirus.
UEFA ikaba yanatangaje ko kandi amakipe y’ibihugu by’uburusiya na Ukraine bikaba bizakinira ku kibuga kitari icyabo bitewe n’intambara yamaze kwaduka.
Uyu mwanzuro Kandi ukaba ureba Spartak Moscow yari kuzakina kuri 1/16.
