HARAGIRIMANA Dieudonne
Mu minota micye iri imbere hagiye kuba umukino wa gicuti uribuhuza ikipe ya PSG na Riyadh XI igizwe n’abakinnyi bo mu ikipe ya Al Nassr na Al Hilal , uyu mukino ukaza no kuba ariwo wanyuma Cristiano Ronaldo na Messi bahuriyemo.
Umushoramari wo mu gihugu cya Saudi Arabia yaguze itike yo kureba uno mukino ihagaze amafaranga angana na miliyoni 2.18 z’amayero , ni amafaranga menshi uyabariye mu manyarwanda , ibi bikaba byanatumye ,uyu uba umukino uguzwemo itike ihenze ku isi nkuko ikinyamakuru Sports Bible dukesha iy’inkuru kibivuga.
Cyakora muri iyi tike yaguzwe n’uyu mukire witwa Mushref Al-Ghamdi hakubiyemo kuba umukino n’urangira aza gufatana ifoto y’urwibutso n’ikipe iraba yatsinze nyuma y’umukino , no kuza kugirana ibiganiro bisanzwe na Cristiano na Messi mu rwambariro ,nyuma bakaza no gusangira ibyo kurya bya n’injoro.
Imyaka irenga 15 ishize Lionel Messi na Cristiano bayoboye ruhago ku isi ndetse basa nkabahanganye , uyu munsi bikaba bivugwa ko uyu ushobora kuba ariwo mukino wanyuma bombi bahuriyemo..
