Umukinnyi w’ikipe yo mu Rwanda yakubise umusifuzi ku buryo bukomeye, abantu barenga 8 bahita batabwa muri yombi na Polisi

Umukinnyi w’ikipe ya La Jeunesse, Nshimiyimana Saidi yakubise umusifuzi wa kabiri wungirije witwa Ruhumuriza Pacifique amuziza ko yanze ko yanze igitego.

Kuri uyu wa Gatanu tariki 3 Werurwe 2023, shampiyona y’Icyiciro cya Kabiri umwaka w’imikino wa 2022-2023 yari yakomeje ku munsi wayo wa 15 mu mikino 18 izakinwa mu matsinda.

Kuri Stade ya Muhanga ikipe ya AS Muhanga yari yakiriye La Jeunesse, maze La Jeunesse itsinze igitego umusifuzi Ruhumuriza Pacifique aracyanga umukinnyi witwa Nshimiyimana Saidi ahita amukubita.

Umusifuzi yavuye mu kibuga bamusindagije kuko yari yananiwe kuva mu kibuga.

Polisi ikorera mu Majyepfo y’u Rwanda yahise ita muri yombi abantu barenga 8, bakaba bajyanwe gufungirwa kuri sitasiyo ya RIB ya Nyamabuye.