Philcollens
Umukinnyi wa Kiyovu Sports yatanze ubutumwa kuri Rayon Sports yemeza ibitego agomba kwinjiza mu izamu rya Gikundiro uko byagenda kose
Rutahizamu w’ikipe ya Kiyovu Sports umaze iminsi ari we iyi kipe irimo kugenderaho yaciye ibintu atangaza ko ashaka gutsinda ikipe ya Rayon Sports uko byagenda kose agasohoza ibyo Perezida Mvukiyehe Juvenal yatangaje.
Mvukiyehe Juvenal mu minsi ishize aheruka gutangaza ko ikipe ya Kiyovu Sports kuza mu irushanwa rya RNIT ifatanyije na B&B Agency ngo byari ukuberako babonye harimo n’ikipe ya Rayon Sports bahora bahanganye cyane, Kandi ko bagomba kuyitsinda nibaramuka bahuye.
Nyuma yo gutangaza ibi abakinnyi bose ba Kiyovu Sports iyo muganiriye ubona ko bose bashaka gutsinda Rayon Sports kugirango basohoze ibyo Perezida wabo aba yifuza. Umwe mu bakinnyi ba Kiyovu Sports witwa Nizeyimana Djuma twamenye ko yabwiye bagenzi be ko ngo ashaka gutsinda ikipe ya Rayon igitego kugirango nawe avugwe cyane.
Uyu rutahizamu w’ikipe ya Kiyovu Sports wakiniraga ikipe ya APR FC niwe umaze iminsi arimo gufasha iyi kipe iyoborwa na Mvukiyehe Juvenal dore ko igitego iyi kipe yabonye cyayifashije kugera ku mukino wa nyuma muri iri rushanwa cyari cyatsinzwe na Djuma.
