Umukinnyi wa filime Oprah yagaraye ari kumwe na mama wa nyakwigendera Katauti ndetse n’umwana wabo babyaranye

Oprah wahoze ari umugore wa nyakwigendera Ndikumana Hamad Katauti yagaragaye ari kumwe na nyirabukwe ndetse n’umwana yabyaranye na Katauti.

Uyu mugore usanzwe ari umukinnyi wa filime ukomeye muri Tanzania, yasangije abamukurikira amafoto ari kumwe na mama wa Katauti wahoze ari umugabo ndetse n’umwana wabo w’umuhungu.

Nyakwigendera Katauti yashakanye n’uyu mugore we mu mwaka wa 2008 baza gutandukana muri 2013. Batandukanye bamaze kubyarana umwana umwe w’umuhungu witwa Krish Ndikumana.

Muri 2017 nibwo Katauti yitabye Imana aho yapfuye yari ari umutoza wungirije mu ikipe ya Rayon Sports.

Kugeza ubu Irene Uwoya uzwi nka Oprah aba muri Tanzania n’umwana we w’umuhungu mu gihe mama wa Katauti yibera mu Burundi.