HARAGIRIMANA Dieudonne
Umukinnyi wa APR FC wari umaze iminsi yarahawe ibihano kubera gusuzugura Thierry Froger yababariwe ndetse ubu ameranye neza n’uyu mutoza mu buryo budasanzwe
Hari hashize iminsi umutoza w’ikipe ya APR FC Thierry Froger atarimo kumvikana na Ishimwe Pierre umuzamu w’ikipe ya APR FC. Byavugwaga ko uyu muzamu kuva iyi kipe yazana abakinnyi b’abanyamahanga byatumye asubira inyuma ndetse yajya abwirwa gukora imyitozo agasuzugura umutoza bimuviramo guhabwa ibihano bikomeye.
Amakuru twamenye ni uko uyu muzamu w’ikipe ya APR FC ndetse n’umutoza kugeza ubu bamaze kwiyunga ndetse binavugwa ko ashobora kujya ahabwa umwanya wo gukina kugirango yongera agarure ibihe byiza yari afite mu minsi ishize.
Ikipe ya APR FC ikomeje imyitozo yitegura umukino wa Shampiyona ifite muri iyi wikendi n’ikipe ya Etoile de L’est uzaba ari umukino wa kabiri ikinnye wa Shampiyona kuva yatangira.
