Umukinnyi ukomeye w’ikipe ya Rayon Sports ntarimo gukora imyitozo kubera uburwayi bwo munda

Rutahizamu w’ikipe ya Rayon Sports Moussa Camara ntabwo arimo gukora imyitozo kubera uburwayi bwo munda.

Ku munsi w’ejo hashize ikipe ya Rayon Sports yakomezaga imyitozo yitegura umukino ifitanye na Etincelles FC kuri iki cyumweru tariki ya 5 werurwe 2023, abakinnyi hafi ya bose bagaragaye muri iyi myitozo ntakibazo bafite usibye Rafael Osaluwe, Ndizeye Samuel bose bagifite utubazo tw’imvune.

Muri abo bakinnyi batagaragaye harimo na Moussa Camara wari ufite uburwayi bwo munda butamwemereraga kuba yakora imyitozo afite imbaraga nyinshi nkuko biba bimeze. Amakuru twamenye ni uko ubu burwayi yari afite busa nkubworoshye uyu munsi ashobora kugaragara mu myitozo.

Ibi bije Aho hashize igihe uyu mukinnyi yari afitanye ibibazo n’umutoza Haringingo Francis ariko bakaza kubikemura nyuma yaho Camara yasabye imbabazi ubuyobozi ndetse n’umutoza akaza kubabarirwa.