Umukinnyi ukomeye w’ikipe ihora ihanganye na APR FC waje bamugize igitangaza agiye kwisubirira iwabo

Rutahizamu waje hano mu Rwanda bamukabirije cyane w’ikipe ya Kiyovu Sport witwa Vladislav Kormishin agiye kwisubirira iwabo.

Ikipe ya Kiyovu Sport yasinyishije umukinnyi Vladislav Kormishin ukomoka mu gihugu cy’uburusiya muri iyi meshyi y’uyu mwaka, gusa kuva yaza amaze gukina imikino micye ishoboka ndetse nta kintu arafasha iyi kipe yamuzanye.

Uyu mugabo ubwo yasinyishwaga n’iyi kipe yari yakabirijwe cyane abantu benshi bategereza ko yahabwa umwanya wo gukina ngo yigaragarize abantu barategereza baraheba, ariko mu gihe yagiriyemo yerekanye ko ntamikinire ye ahubwo byari ugukabya cyane.

Nyuma y’ibyo bihe bibi arimo hano mu Rwanda, Amakuru YEGOB dufite kandi yizewe ni uko uyu mugabo yaba agiye kwisubirira iwabo.

Ntabwo amakuru ahagije y’impamvu yaba igiye gutuma asubirira iwabo gusa benshi barahuriza ku kintu cy’uko abonako atari mu migambi y’umutoza wa Kiyovu Sport Alain Andre Laundet akaba ariyo mpamvu ashaka kwitahira.

Amakipe menshi hano mu Rwanda akunze kugura abakinnyi aziko bakomeye yagera mu Rwanda ugasanga babereye ibihombo amakipe yabaguze, urugero rukomeye ni ikipe ya Rayon Sports ndetse na AS Kigali zaguze abakinnyi ariko bakaba ntakinyuranyo batanga cyangwa ngo bakinishwe na rimwe.