Umukinnyi bivugwa ko yasinyiye Apr Fc yahakanye ibyo byose batuma Rayon Sports imwirukaho

Umukinnyi ukina mu kibuga hagati ukina asatira mu ikipe ya Marine Fc, Ishimwe Fiston yahakanye ibivugwa ko yaba yaramaze gusinya mu ikipe ya Apr Fc.

Ibi yabitangaje mu kiganiro yagiranye na Royal Fm, aho yavuze ko ari umukinnyi udafite ikipe (Free Agent) aho avuga ko akiri gushaka ikipe nshya.

Abajijwe ku ikipe yaba yaramaze gusinyira,  Ishimwe Fiston yavuze ko nta kipe yari yasinyira, aho yavuze ko izamuha ibyo yifuza ari yo azasinyira.

Hari hashize iminsi havugwa ko uyu musore yamaze gusinya mu ikipe ya Apr Fc mu gihe cy’imyaka ibiri, Fiston Ishimwe we yabihakanye.

Uyu mukinnyi akaba yifuzwa n’amakipe agiye atandukanye ya hano mu Rwanda harimo Rayon Sports, As Kigali, Kiyovu Sports na Police Fc.

Amakuru YEGOB yamenye ni uko uyu musore yamaze gusinya mu ikipe ya Apr Fc, aho biteganyijwe ko ashobora gutangazwa uyu munsi.