Umukecuru wari ufite imyaka 99 akiri ku ntebe y’ishuri yamaze kwitaba Imana nyuma yo kuva ku ishuri(Amafoto)

Umwuzukuru we yabwiye BBC dukesha iyi nkuru ko umukecuru w’imyaka 99, ukekwaho kuba ari we wiga mu mashuri abanza akuze kurusha abandi mu ku isi, yapfiriye mu rugo amahoro.

Priscilla Sitienei yatangiye kugira ibibazo by’ubuzima nyuma yo gutaha ava ku ishuri kuwa gatatu.

We na bagenzi be bigana bafite imyaka 12, bari biteguye gukora ibizamini bisoza biteganijwe gutangira mu cyumweru gitaha.

Iyi nkuru ya nyakwigendera Sitienei yatumye ikigo cy’umuryango w’abibumbye gishinzwe umuco n’uburezi, Unesco, gishima umbitange yagize bituma giteganya gukora filime igaruka ku matekaye.

Umwaka ushize yabwiye Unesco ko ashaka gushishikariza ababyeyi bakiri bato gusubira ku ishuri.

Yagize ati: “Nifuzaga kubereka urugero gusa kuri bo ahubwo no ku bandi bakobwa ku isi batiga, nta burezi, nta tandukaniro rizaba hagati yawe n’inkoko”.

Yinjiye mu Ishuri rya Leaders Vision mu mwaka wa 2010, ariko anakorera umudugudu we wa Ndalat mu kibaya cya Rift nk’umubyaza imyaka irenga 65.

Ndetse yari yaranafashije kubyara bamwe mu bo bigana, icyo gihe bari bafite hagati y’imyaka 10 na 14.

Azwi cyane ku izina rya “Gogo”, bisobanura nyirakuru mu rurimi rwaho muri ako gace, yatangarije BBC mu 2015 ko amaherezo yize gusoma no kwandika – amahirwe atigeze agira akiri umwana.

Yakunze guhura nabana batari mwishuri maze akababaza impamvu.

Yagize ati: “Bambwira ko bakuze cyane.” “Ndababwiye nti:” Nibyo ndi ku ishuri kandi nawe ugomba kubikora. ”

Yongeyeho ati: “Ndabona abana bazimiye, abana badafite ba se, bazenguruka hirya no hino, nta byiringiro. Ndashaka kubashishikariza kujya ku ishuri”.